Tre gra humbën jetën në zjarrin e madh që shpërtheu herët të hënën në mëngjes në fabrikën e njohur të biskotave “Violanta” në Trikala, në Greqi.
Zjarri shpërtheu pak para orës 4:00 të mëngjesit dhe dogji një krah të fabrikës. Më herët, ndodhi një shpërthim i fuqishëm, shkruajnë mediat greke.
Sipas informacioneve, pesë punëtore femra ndodheshin në vendin e shpërthimit.
Tre janë gjetur të vdekura, ndërsa dy të tjerat rezultojnë të zhdukura.
Pesë punëtorë të tjerë dhe një zjarrfikës u dërguan në spital. Sipas informacioneve, të gjithë të plagosurit janë në gjendje të mirë shëndetësore.
The post Shpërthim në një fabrikë në Greqi, humbin jetën 3 gra, 2 rezultojnë të zhdukura appeared first on Euronews Albania.
