Dy shtetas serbë, Damjan Roganović dhe Dušan Petković, janë arrestuar në Amsterdam si pjesë e një hetimi ndërkombëtar për kontrabandën e 115 kilogramëve kokainë.
Dušan Petković është djali i të ndjerit Ilija Petković (1945–2020), ish-futbollist dhe trajner i njohur jugosllav, i cili drejtoi edhe ekipin kombëtar të Serbisë dhe Malit të Zi në Kupën e Botës 2006 në Gjermani. Babai i tij kishte grumbulluar djalin e tij si pjesë të ekipit kombëtar.
Operacioni u realizua në bashkëpunim ndërkombëtar midis Prokurorisë për Krimin e Organizuar të Serbisë, BIA, Ministrisë së Punëve të Brendshme të Serbisë, prokurorive publike të Belgjikës dhe Holandës, si dhe me mbështetjen e Europol dhe Eurojust. Gjatë aksionit u arrestuan gjithsej tetë persona dhe u sekuestruan 115 kilogramë kokainë.
Sipas njoftimit zyrtar, tetë personat e arrestuar janë pjesë e një grupi kriminal të organizuar, ndërsa anëtarët e tjerë janë ende në kërkim.
The post U kapën me 115 kg kokainë, arrestohet djali i ish-trajnerit serb appeared first on Euronews Albania.
