Ish-lojtari i kombëtares belge, Eden Hazard, ka vlerësuar punën e ish-shokut të tij të skuadrës, Vincent Kompany, si trajner i Bayern Munich, duke thënë se nuk është i befasuar nga performanca e tij.
Në një intervistë për transmetuesin publik RTBF, Hazard theksoi se Kompany ka përfituar shumë nga vitet që kaloi nën drejtimin e Pep Guardiolës te Manchester City, të cilin e quajti “ndoshta trajnerin më të mirë në histori”.
Sipas Hazardit, përvoja e madhe e Kompanyt si lojtar në Belgjikë, Angli dhe Gjermani, si dhe mentaliteti i tij fitues dhe personaliteti i fortë, e bëjnë atë një trajner shumë të mirë.
Ai shtoi gjithashtu se Kompany në të ardhmen mund të drejtojë edhe kombëtaren belge, por beson se për momentin ai duhet të vazhdojë të punojë në nivelet më të larta të futbollit me klube elitare.
The post Hazard: Kompany ka gjithçka për t’u bërë trajner i madh appeared first on Euronews Albania.
