Presidenti i Shteteve të Bashkuara, Donald Trump, pritet të vizitojë Greqinë në një të ardhme të afërt, sipas ambasadores amerikane në Athinë, Kimberly Guilfoyle.
Deklarata u bë të martën gjatë një vizite të saj në selinë e transmetuesit publik grek ERT. E pyetur nëse vizita mund të zhvillohet gjatë verës, Guilfoyle u shpreh se ende nuk ka një datë të saktë.
“Ende nuk mund të jap një datë të saktë, po ndodhin shumë zhvillime, por ai do të vijë në Greqi. Po ashtu do të vijë edhe sekretari i luftës Pete Hegseth dhe sekretari i shtetit Marco Rubio,” tha ajo.
Athina zyrtare ka ruajtur marrëdhënie të mira me Uashingtonin prej vitesh, marrëdhënie që kanë vijuar edhe gjatë administratës së Trump, ndryshe nga disa vende të tjera të Bashkimit Europian.
Kimberly Guilfoyle ka shprehur edhe më herët dëshirën që Trump të vizitojë kryeqytetin grek, duke përmendur madje mundësinë e një fjalimi të tij në Akropol, në Akropoli i Athinës.
“Do të ishte diçka që të gjithë do ta donim. Shpresoj që ai të vijë dhe do t’i kërkoj të vijë,” kishte deklaruar ajo më herët.
The post Ambasadorja e SHBA në Greqi: Trump pritet të vizitojë Athinën appeared first on Euronews Albania.
