Ish-kryetari i Partisë Demokratike të Kosovës, Memli Krasniqi përmes një postimi në “Facebook” ka njoftuar se këtë të martë ka zhvilluar një vizitë në Hagë. Ai theksoi se gjatë kësaj vizite ka takuar Kadri Veselin.
Krasniqi shkruan se vendimi ndaj ish-krerëve të UÇK-së po vazhdon të shtyhet dhe procesi zvarritet pafundësisht. Ai theksoi se beson në pafajësinë e tyre dhe se ky proces duhet të marrë fund sa më parë me një vendim të drejtë.
“Sot, një tjetër vizitë në Hagë, për ta takuar Kryetarin Kadri Veseli. Edhe pas gjithë këtyre viteve të gjata e të vështira, ai dhe bashkëluftëtarët e tij vazhdojnë ta mbajnë lart dinjitetin, qetësinë dhe besimin në drejtësi.
Si gjithmonë, i fortë në bindjet e tij, me dashuri të pashuar për Kosovën dhe me mall të madh për njerëzit dhe vendin e vet. Kjo pritje e gjatë nuk është e lehtë për askënd, sidomos kur vendimi vazhdon të shtyhet dhe procesi zvarritet pafundësisht.
Ne vazhdojmë të besojmë fuqishëm në pafajësinë e tyre dhe në të drejtën që ky proces të marrë fund sa më parë, me një vendim të drejtë, të pa ndikuar dhe përfundimtar.
Po i numërojmë ditët deri në kthimin e tyre aty ku përkasin: në atdheun e tyre, pranë familjeve dhe popullit të Kosovës. Deri atëherë, keni të fala të gjithë nga Kryetari dhe shokët e tij”, shkruan ai.
The post Memli Krasniqi vizitë në Hagë, takon Kadri Veselin: Po i numërojmë ditët deri në kthimin e tyre në atdhe appeared first on Euronews Albania.
