Arbitri shqiptar Florian Lata është caktuar të drejtojë finalen e Kampionatit Europian U-17 “Estoni 2026”, një nga ndeshjet më të rëndësishme të kalendarit të UEFA-s për futbollin e moshave.
Finalja mes Belgjikës dhe Italisë do të luhet më 7 qershor në stadiumin “Lillekula staadion” në Talin, në orën 19:00. Florian Lata është caktuar si arbitër kryesor, ndërsa në ekipin e arbitrimit do të jetë edhe asistenti shqiptar Mario Shazivari. Asistent i dytë do të jetë Nikola Borovic nga Serbia, ndërsa arbitër i katërt Thomas Gary Owen nga Uellsi.
Ky emërim vjen pas paraqitjeve të mira të Florian Latës gjatë turneut në Estoni, ku ai ka drejtuar ndeshje si Estoni – Kroaci dhe Francë – Mali i Zi.
Finalja e Kampionatit Europian U-17, Belgjikë – Itali, do të transmetohet live në FSHF TV.
The post Arbitri shqiptar Florian Lata do të gjykojë finalen e Euro U-17 mes Belgjikës dhe Italisë appeared first on Euronews Albania.
