Ish-lojtari i Barcelonës dhe kampioni i botës me Spanjën në Afrikën e Jugut 2010, Gerard Piqué, është shprehur të mërkurën se, pas barazimit 0-0 të Spanjës ndaj Kepit të Gjelbër, kombëtarja spanjolle ka “më shumë shanse” për të fituar Kupën e Botës.
Gjatë një prezantimi në Madrid për një bashkëpunim me Uber Eats, platformën e shpërndarjes së ushqimit ku ai shërben si zëdhënës reklamash, Piqué vlerësoi formën e ekipit kombëtar spanjoll përpara turneut që do të zhvillohet në Shtetet e Bashkuara, Meksikë dhe Kanada. Sipas tij, Spanja vazhdon të mbetet “favorite” për trofeun.
“Spanja, me faktin që ka Lamine Yamal dhe Pedri, edhe nëse barazoi, aspiratat e saj mbeten të njëjta,” u shpreh ish-mbrojtësi i Barcelonës.
Gjatë eventit, Piqué iu referua edhe ish-shokut të tij të skuadrës te Barcelona, Lionel Messi, duke komentuar tripletën e tij në ndeshjen Argjentinë–Algjeri, e cila shënoi debutimin e Argjentinës në Kupën e Botës aktuale, ku ata janë edhe kampionët në fuqi pas triumfit në Katar 2022.
Sipas Piqué, sulmuesi aktual i Inter Miami-t “është ende më i miri”, ndërsa skuadra e drejtuar nga Lionel Scaloni mbetet një nga “të preferuarat e tij” për të fituar turneun.
The post Piqué: Spanja mbetet favorite për Botërorin, Messi ende më i miri sipas tij appeared first on Euronews Albania.
