Kryediplomatja e Bashkimit Evropian, Kaja Kallas, ka reaguar pasi ministri i Jashtëm i Izraelit, Gideon Sa’ar, deklaroi se do të “ndërpresë të gjitha kontaktet” me të.
Deklarata e Sa’ar erdhi pas raportimeve se Kallas, gjatë një vizite në Meksikë në maj, dyshohet se ka krahasuar Izraelin me ish-regjimin e aparteidit në Afrikën e Jugut, gjatë takimeve me zyrtarë lokalë në kuadër të bashkëpunimit BE–Amerikë Latine.
Në reagimin e tij në rrjetet sociale, Sa’ar tha se nuk kishte “zgjidhje tjetër veçse të ndërpriste çdo kontakt”, duke shtuar se Kallas nuk kishte dhënë asnjë sqarim apo mohim për deklaratën e raportuar, të cilën ai e cilësoi si “të rëndë”.
Në përgjigje, Kallas tha se Bashkimi Evropian vlerëson dialogun dhe angazhimin me Izraelin dhe mbetet i përkushtuar ndaj një marrëdhënieje konstruktive, duke theksuar gjithashtu se qëndrimi i BE-së mbetet i palëkundur për një zgjidhje me dy shtete si rruga e vetme e qëndrueshme drejt paqes në Lindjen e Mesme.
“I dashur Gideon, siç e dini, BE-ja dhe Izraeli kanë shumë gjëra që na lidhin. Unë e vlerësoj dialogun dhe angazhimin tonë, dhe jam i hapur për të vazhduar në këtë frymë, me respekt dhe në mënyrë konstruktive. Dialogu është themeli i diplomacisë, veçanërisht kur lindin mosmarrëveshje. BE-ja është gjithmonë e përkushtuar për një marrëdhënie konstruktive me Izraelin. Për të sjellë paqe në Lindjen e Mesme, Zgjidhja me Dy Shtete mbetet e vetmja rrugë e zbatueshme. BE-ja ka dënuar vendbanimet e paligjshme izraelite në Bregun Perëndimor që e bëjnë gjithnjë e më të vështirë arritjen e këtij qëllimi. Ky është qëndrimi i BE-së”, tha ajo.
Nga ana tjetër, Sa’ar reagoi sërish duke kërkuar që Kallas ose të mohojë deklaratën e raportuar, ose të qëndrojë pas saj.
Çështja vjen në një moment tensionesh të larta diplomatike të lidhura edhe me luftën në Gaza, e cila nisi pas sulmeve të 7 tetorit 2023 të grupit palestinez Hamas ndaj Izraelit, dhe pas ofensivës ushtarake izraelite që ka pasuar në territorin e Gazës.
Dear Gideon, as you know, the EU and Israel have a lot that binds us. I value our dialogue and engagement, and I’m open to continue in that spirit, respectfully and constructively. Dialogue is the foundation of diplomacy, especially when differences arise. The EU is always…
— Kaja Kallas (@kajakallas) June 18, 2026
The post Kaja Kallas reagon pas deklaratës së ministrit izraelit për ndërprerje kontaktesh appeared first on Euronews Albania.
