Alejandro Balde ka informuar drejtuesit e Barcelonës për vendimin e tij për të qëndruar në klub dhe për të luftuar sërish për një vend në formacion gjatë këtij sezoni.
Mbrojtësi i majtë spanjoll e ka bërë të qartë se dëshiron të vazhdojë aventurën në “Camp Nou”. Barcelona kishte shikuar mundësinë e shitjes së tij gjatë javëve të fundit, por deri më tani nuk ka mbërritur asnjë ofertë zyrtare.
Sipas raportimeve, vetëm një ofertë e madhe nga një klub elitar evropian mund ta ndryshojë situatën para mbylljes së afatit kalimtar. Në garë ishte përmendur edhe Manchester United, i cili kishte kërkuar informacion mbi kushtet e transferimit, por klubi anglez nuk ka paraqitur asnjë ofertë zyrtare.
Balde pritet të rikthehet në skuadrën e Barcelonës për ndeshjen e nesërme, duke sinjalizuar se dëshira e tij për të vazhduar te katalanasit është e qartë.
The post Balde vendos të qëndrojë te Barcelona appeared first on Euronews Albania.
