Lexoje këtu nëse e ke me ngut!
Një ngjarje e rëndë ka tronditur vendin pasditen e kësaj të diele. Pas disa të shtënave me armë zjarri në Elbasan, ka mbetur i vdekur biznesmeni Edmond Hyka alias Mondi Mëhalla.
Ngjarja ndodhi në zonën e Unazës së qytetit. Viktima është qëlluar brenda makinës së tij pranë pikës së karburantit që kishte në pronësi.
Të dhënat paraprake sugjerojnë se viktima u qëllua me tre plumba arme zjarri duke gjetur vdekjen në vend. Mëhalla kishte një biznes taksish me makina elektroke si dhe një pikë karburanti, Xhaxhi Oil.
I ndjeri raportohet se kishte disa vite që e kishte ndërruar emrin nga Xhaxho në Mëhalla. Sipas informacioneve, 43-vjeçari që ngeli viktimë këtë mbrëmje kishte precedent penal në fushën e narkotikëve.
Policia ndodhet në vendngjarje për të zbuluar më shumë detaje rreth ngjarjes së rëndë.
gijotina.com/
The post Ekzekutimi në Elbasan/ Viktima me precedent penal për drogë appeared first on GIJOTINA.
