Manchester United ka shansin të regjistrojë fitoren e pestë radhazi në Premier League, një ecuri që nuk ka arritur që prej vitit 2023, në ndeshjen e mbrëmjes së kësaj të marte ndaj West Ham në transfertë.
Nën drejtimin e Michael Carrick, Manchester United ka arritur një formë të shkëlqyer, duke fituar katër ndeshjet e fundit radhazi dhe synon të vazhdojë këtë ecuri. Ndërsa ekipi i Carrick konsiderohet favorit, West Ham gjithashtu kërkon pikë në këtë përballje.
Në katër sfidat e fundit, skuadra e Manchester United ka mposhtur Arsenal, Manchester City, Fulham dhe Tottenham. Për ndeshjen e mbrëmjes nuk do të jenë në dispozicion De Ligt, Dorgu dhe Mount. Në këtë javë luajnë edhe skuadra si Chelsea, Bournemouth dhe Tottenham, me të fundit që presin një sfidë të vështirë në shtëpi ndaj Newcastle.
Chelsea do të përballet me Leeds në Stamford Bridge. Ashtu si Manchester United, edhe Chelsea ka fituar katër ndeshjet e fundit në Premier League. Aktualisht, skuadra e udhëhequr nga Liam Rosenior ka 43 pikë dhe renditet në vendin e 5, me synim të sigurojë një vend mes katër të parave dhe pjesëmarrjen në Champions League sezonin e ardhshëm.
The post Carrick synon rekordin, Manchester United kërkon fitoren e pestë radhazi në Premier League appeared first on Euronews Albania.
