Një fëmijë i vogël në Itali ka ndërruar jetë në Itali disa ditë pasi iu nënshtrua një transplanti zemre. Lajmin e konfirmoi avokati i familjes, Francesco Petruzz i cili theksoi se Domenico, 2-vjeçar vdiq pak para orës 09:30 të shtunën.
Rasti i 2-vjeçarit u trajtua gjerësisht në media pasi zemra që iu vendos të miturit u dëmtua rëndë për shkak të kontaktit me të ftohtit gjatë transportimit në spital.
Prokurorët kanë hapur një hetim për incidentin dhe gjashtë mjekë janë vënë nën hetim zyrtar në një rast që ka shkaktuar zemërim në Itali.
Petruzzi ka thënë se organi mbërriti i dëmtuar pasi u transportua mbi 800 km nga Bolzano në Napoli në një enë të papërshtatshme, pa një termometër për të njoftuar ekipin mjekësor për temperaturën e ulët.
2-vjeçari para operacionit ishte në aparatura për mbështetjen e jetës në Napoli për gati dy muaj. Të mërkurën, një panel specialistësh pediatër arriti në përfundimin se gjendja e tij nuk ishte e mirë për një transplant tjetër.
Ministri italian i Shëndetësisë i Italisë, Orazio Schillaci tha këtë javë se duhet të sqarojnë absolutisht se çfarë ka ndodhur.
“Ia kemi borxh fëmijës, familjes, por edhe të gjithë italianëve”, tha ai.
“Ne kemi një shërbim shëndetësor kombëtar të shkëlqyer, i cili ka qenë në gjendje të trajtojë dhe pothuajse gjithmonë të zgjidhë situata komplekse. Pra, besoj se qytetarët nuk duhet ta humbasin besimin”, shtoi ai.
The post Zemra u dëmtua para transplantit, ndërron jetë 2-vjeçari në Itali disa ditë pas operacionit! Nisin hetimet appeared first on Euronews Albania.
