Akti i parë përfundoi, tani mbetet ai final për të mësuar se cilat skuadra do të avnacojnë më tej në Champions, por dhe ato që i japin lamtumirën kompeticionit madhështor për klube në kontinentin e vjetër. Duele interesante këtë të martë, ku natyrisht interesi më i madh është në San Siro, aty ku Interi do me patjetër të përmbysë rezultatin e një jave më parë, ku u mposht nga Bodo/Glimt 3-1.
Trajneri Chivu në konferencën për shtyp motivoi të tijtë, ku dhe deklaroi se nëse ka një skuadër që mund të bëjë një përmbysje të tillë është Inter. Zikaltrit kanë dy mungesa kryesore në këtë sfidë, kapitenin Lautaro Martinez dhe turkun Calhanoglu. Pavarësisht situatës, zikaltrit cilësohen favoritë absolutë për të siguruar fitoren, por edhe për të avancuar në fazën tjetër.
Këtë të martë luhen dhe 3 duele të tjera, ku në dy prej tyre llogaritë mund të cilësohen të hapura. Sfida që nuk pritet të ketë surpriza është Newcastle-Qarabag, pasi ndeshja e parë përfundoi 6-1 për britanikët. Në Spanjë, Atletico kërkon fitoren, pasi dueli i luajtur në Belgjikë me Club Brugge përfundoi 3-3. Leverkusen me fitoren 2-0 në Greqi i ka llogaritë më të lehta përballë Olympiacos, sidomos kur në mbrëmje luhet në BayArena të Gjermanisë.
The post Champions League, Interit i duhen 3 gola për t’u kualifikuar, Chivu: Mund ta përmbysim appeared first on Euronews Albania.
