Prokurorët gjermanë njoftuan të martën se dy persona ishin arrestuar me dyshimin për spiunazh për Rusinë. Ata dyshohet se kanë mbledhur informacione mbi një individ që furnizonte Ukrainën me dronë dhe komponentë të ngjashëm.
Ukrainasi i identifikuar si Sergey N. u arrestua në Spanjë, ndërsa rumunja Alla S. u arrestua në Gjermani. Identiteti i tyre i plotë nuk i publikua në përputhje me ligjet gjermane të privatësisë.
“Nga dhjetori i vitit 2025, Sergey N. spiunoi një person në Gjermani në emër të një shërbimi inteligjence rus. Ky person furnizonte Ukrainën me dronë dhe komponentë të ngjashëm”, thuhet në deklaratë, duke cituar akuzat në urdhër-arrestin.
“Për këtë qëllim, i akuzuari mblodhi informacione në internet dhe filmoi vendin e punës të shënjestrës. Kur Sergey N. u zhvendos në Spanjë, Alla S. mori përsipër detyrën e tij jo më vonë se marsi 2026”, thuhet më tej në njoftim.
The post Akuza për spiunazh për Rusinë, Gjermania arreston dy persona! Njëri prej tyre ukrainas appeared first on Euronews Albania.
