Lexoje këtu nëse e ke me ngut!
Dy ndeshjet e para të raundit të tretë të Champions League kanë dhuruar gola e spektakël. 10 gola në dy ndeshje e një i anuluar, me Milan që rrëmben fitoren e parë europiane këtë sezon. Tris i kuqezinjve në San Siro kundër Bruges, ndërsa Monaco bën pesë në Principatë ndaj serbëve të Crvena Zvezda.
MILAN 3-1 BRUGES
Milan mposhti Bruges 3-1 në raundin e tretë të Champions League, duke fituar tre pikët e para të sezonit në këtë kompeticion. Pas një fillimi të vështirë me pritjet e Maignan për të mbajtur rezultatin në ekuilibër, kuqezinjtë e teknikut Fonseca zhbllokuan sfidën në minutën e 34′ me një gol direkt nga këndi i Pulisic. Gjërat për belgët u komplikuan pesë minuta më vonë, kur mbetën në inferioritet numerik.
Pavarësisht kësaj, Bruges barazuan 1-1 në fillimin e pjesës së dytë me Sabbe, por më pas Reijnders u ekzaltua: holandezi, pak sekonda pas daljes së Leao nga fusha, bëri 2-1 në minutën e 61′, duke kompletuar një dygolësh dhjetë minuta më vonë në një aksion fotokopje, me një asist nga Chukëueze. Në fund, debutim edhe për Camarda, italiani më i ri që ka luajtur ndonjëherë në Champions League, të cilit iu anulua një gol për pozicion jashtë loje.
MONACO 5-1 CRVENA ZVEZDA
The post Video/ Milan fitorja e parë në Champions vjen ndaj Bruges: Monaco bën pesë appeared first on Lapsi.al.
