Lexoje këtu nëse e ke me ngut!
Kontakti i mundshëm për penallti mes Pavlovic dhe Thuram ka qenë në qendër të polemikave që shpërthyen pas përfundimit të derbit të Milanos. Në pjesën e dytë të ndeshjes, sulmuesi francez u godit nga mbrojtësi kuqezi, një kontakt që shkaktoi shumë diskutime, por që për arbitrin Chiffi nuk ishte i mjaftueshëm për të treguar pikën e bardhë. Tifozët e Interit e kërkojnë me ngulm penalltinë, ndërsa ata të Milanit mbështesin vendimin e arbitrit, i cili në fakt është përkrahur edhe nga AIA(Shoqata Italiane e Arbitrave).
Sipas Gazzetta dello Sport, vendimi i Chiffi është konsideruar i saktë dhe asnjë gabim nuk është evidentuar në gjykimin e tij. As VAR-i nuk e ka parë të nevojshme që të rishikonte episodin apo të ftonte arbitrin në monitor, pasi ndërhyrja e mbrojtësit është vlerësuar si shumë e lehtë për t’u ndëshkuar me penallti.
Fateci caso.Quando segna un gol l’avversario dell’inter non ci sono replay,il var dura 8 secondi e tutte le inquadrature sono festanti mentre i pierpardi di turno stappano una bollicina e brindano.Quando segna l’inter è una caccia all’errore ,colonna sonora da thriller,attesa… https://t.co/zlApN9B1Rn
— Felix Magath
Bistellato L’Azzittatore (@ICazzotti) February 3, 2025
AIA mbështet vendimin e Chiffi për Pavlovic-Thuram
Asnjë kritikë nga organet e arbitrimit: të gjithë kanë vlerësuar si të drejtë vendimin e Chiffi për të mos dhënë penallti pas ndërhyrjes së Pavlovic ndaj Thuram. Episodi është klasifikuar si një kontakt i lehtë, i cili nuk plotëson kriteret për të dhënë një penallti. Gazzetta thekson se këtë sezon udhëzimet për arbitrimin janë të mos jepen penallti për kontakte të lehta, dhe rasti i derbit përputhet me këtë qasje.
Goditja e Pavlovic mbi këmbën e Thuram është vlerësuar si shumë e butë dhe aksidentale për të justifikuar një penallti, duke qenë nën pragun e ndërhyrjeve që çojnë në një dënim të tillë. Edhe veprimi i VAR-it është cilësuar korrekt, duke marrë miratimin e drejtuesve të arbitrimit, të cilët, sipas burimeve të para, janë të kënaqur me mënyrën si u trajtua episodi—pavarësisht polemikave që janë ngritur në orët e fundit.
The post Chiffi nuk dha penallti për Inter pas kontaktit Pavlovic-Thuram: sipas AIA bëri mirë appeared first on Lapsi.al.
