Një statujë në madhësi reale në përkujtim të pesë herë fituesit të turneut të madh Seve Ballesteros është zhdukur nga qyteti i tij i lindjes në Spanjë. Autoritetet spanjolle po hetojnë ngjarjen pasi këshilli i qytetit të Marina de Cudeyo njoftoi ngjarjen në fundjavë.
“Nëse dikush ka vërejtur lëvizje të dyshimta, veçanërisht në 24 orët e fundit, ju lutemi të njoftoni Gardën Civile ose policinë lokale”, tha këshilli.
Statuja prej bronzi u krijua në vitin 2009 nga skulptori Salvador Garcia Ceballos dhe u instalua në Parkun La Barqueria në vitin 2017.
Statuja tregon momentin kur Ballesteros festoi një fitore të famshme në Kampionatin e Hapur në St Andrews në vitin 1984.
Ballesteros ishte pas Tom Watson në raundin e fundit, por u rikthye për të fituar me dy goditje dhe për të marrë Claret Jug, duke i mohuar amerikanit një Open të tretë radhazi.
Golfisti spanjolli ndihmoi Evropën të fitonte pesë Kupa Ryder. Ai vdiq nga kanceri në tru në vitin 2011 në moshën 54 vjeç.
The post Zhduket statuja me madhësi reale e Seve Ballesteros në Spanjë, nisin hetimet appeared first on Euronews Albania.
