Tensione janë regjistruar në dhomën e zhveshjes së Real Madridit pas një sherri midis Valverdes dhe Tchouameni-t. Por atmosfera është përkeqësuar edhe më tej në orët e fundit., teksa MARCA raporton se ka pasur një incident të ri brenda dhomës së zhveshjes të përshkruar si “shumë serioz”.
Ky sherr ka detyruar një takim urgjent dhe ka bërë që klubi të marrë në konsideratë marrjen e masave.
Episodi i ri ku janë të përfshirë edhe Valverde dhe Tchouameni, është përshkruar nga brenda si “shumë serioz” nga disa anëtarë të rrethit të ngushtë të dhomës së zhveshjes. Një përleshje e nxehtë që nga momenti i parë që madje detyroi disa anëtarë të ekipit të ndërhynin dhe përfundoi me uruguaianin që duhej të shkonte në spital.
Shkalla e asaj që ndodhi ka shkaktuar një takim urgjent brenda dhomës së zhveshjes vetëm pak minuta pas grindjes. Asnjë lojtar i vetëm nuk u largua nga qendra stërvitore në një takim krize të paprecedentë.
Qëllimi është t’i jepet fund të gjitha këtyre problemeve dhe të ndalet një përshkallëzim i tensionit që po shkakton shqetësim serioz në nivelet më të larta të klubit.
The post Tensione në dhomën e zhveshjes, sherr mes Valverdes dhe Tchouameni! Uruguaiani përfundoi në spital appeared first on Euronews Albania.
