Partia Komuniste e Austrisë (KPO) fitoi zgjedhjet lokale në Graz dhe forcoi më tej pozicionin e saj si forca kryesore politike në qytetin e dytë më të madh të Austrisë.
Sipas rezultateve paraprake, KPO fitoi më shumë se 36 për qind të votave, gjë që shënoi një rritje të konsiderueshme krahasuar me zgjedhjet e mëparshme në vitin 2021, raporton Spiegel.
Kryetarja aktuale e bashkisë, Elke Kar nga KPO, e cila e ka udhëhequr qytetin që nga viti 2021 në një koalicion me të Gjelbrit dhe Social Demokratët, konfirmoi kështu qëndrimin e saj politik.
Siç u tha, Partia e Lirisë e Austrisë (FPO) e ekstremit të djathtë përfundoi në vendin e katërt në këto zgjedhje, ndërsa Partia Popullore Austriake konservatore (OVP) dhe të Gjelbrit ishin përpara saj.
Partia Socialdemokrate e Austrisë shënoi një rënie dhe zuri vendin e pestë.
Pas zgjedhjeve, u hap çështja e koalicionit të ardhshëm të qytetit dhe rezultatet tregojnë se një koalicion midis KPO-së dhe të Gjelbërve do të ishte matematikisht i mundur edhe pa Social Demokratët.
The post Austri, Partia Komuniste fiton zgjedhjet lokale në Graz appeared first on Euronews Albania.
