Mauricio Pochettino ka firmosur kontratë të re me U.S. Soccer dhe do ta udhëheqë kombëtaren e SHBA-së deri në Kupën e Botës 2030.
Lajmin e ka konfirmuar vetë Federata Amerikane të hënën, pasi e çoi skuadrën deri në 1/16 e finales në Botërorin 2026 të zhvilluar në shtëpi.
Argjentinasi 54-vjeçar, i njohur për stilin e tij me presion të lartë dhe lojë sulmuese, mori drejtimin e SHBA-së në vitin 2024 pasi u nda me Chelsea-n, me një kontratë që ishte vetëm deri në Botërorin 2026.
“Mauricio dhe stafi i tij besojnë në të ardhmen e futbollit në Shtetet e Bashkuara dhe projekti ynë i ri na lejon të ndërtojmë mbi progresin e USMNT dhe momentumin e U.S. Soccer,” tha CEO i U.S. Soccer, JT Batson.
Nën drejtimin e tij, SHBA e mbylli Grupin e parë në vendin e parë përpara Australisë, Paraguajit dhe Turqisë, me 6 pikë – totali më i lartë ndonjëherë për meshkujt në një Botëror.
Më pas mposhti Bosnjën në 1/32 dhe u eliminua me humbjen 4-1 nga Belgjika në një fund zhgënjyes për një ekip që shpresonte për një rrugëtim më të thellë në shtëpi.
“Duke punuar së bashku me U.S. Soccer gjatë dy viteve të fundit, u bë e qartë për ne se ka një potencial të jashtëzakonshëm për ta bërë programin e Kombëtares edhe më të fortë,” tha Pochettino. “Pasioni që përjetuam nga tifozët gjatë gjithë Kupës së Botës vetëm sa forcoi besimin tonë në atë që është e mundur këtu”.
The post Pochettino vazhdon me SHBA-në deri në Botërorin 2030 appeared first on Euronews Albania.
