Trajneri i Arsenalit, Mikel Arteta, ka bërë thirrje që Premier League të rrisë numrin e lojtarëve të lejuar në skuadër nga 20 në 23, duke theksuar rëndësinë e ruajtjes së vlerës dhe gjendjes mendore të futbollistëve.
Aktualisht, klubet lejohen të kenë 9 zëvendësues në stol dhe të aktivizojnë 5 prej tyre, ndërsa një zëvendësim shtesë lejohet vetëm në rast dëmtimi në kokë.
Arteta tha se shpesh detyrohet të lërë lojtarë jashtë skuadrës, përfshirë edhe afrime të reja si Christian Norgaard, dhe shpreson që Premier League të ndjekë modelin e Ligës së Kampionëve me lista prej 23 lojtarësh.
Sipas tij, ngarkesa e lartë e ndeshjeve kërkon skuadra më të gjera, veçanërisht për ekipe si Arsenali, që këtë sezon po garon në katër kompeticione.
The post Arteta i Arsenalit kërkon zgjerimin e skuadrave në Premier League appeared first on Euronews Albania.
