Lexoje këtu nëse e ke me ngut!
Frikë te klubi i West Ham për Michail Antonio. Sulmuesi anglez, i natyralizuar si xhamajkan, u përfshi në një aksident të rëndë automobilistik në Essex, në verilindje të Londrës, dhe u transportua me helikopter në spital. Lajmin, i cili fillimisht qarkulloi në rrjetet sociale, e konfirmoi vetë klubi londinez: “West Ham United mund të konfirmojë se sulmuesi Michail Antonio u përfshi sot në një aksident rrugor. Mendimet dhe lutjet e të gjithë klubit janë me Michail, familjen dhe miqtë e tij. Klubi do të japë një përditësim në kohën e duhur,” shkruhej në deklaratën zyrtare.
Gjendja e Michail Antonio
Më vonë, klubi dha një përditësim që qetësoi ndjekësit e lojtarit: “West Ham United mund të konfirmojë se Michail Antonio është në gjendje të qëndrueshme pas aksidentit rrugor të ndodhur këtë pasdite në zonën e Essex. Michail është i ndërgjegjshëm dhe komunikues dhe aktualisht ndodhet nën mbikëqyrje të ngushtë në një spital në qendër të Londrës. Në këtë moment të vështirë, ju lutemi të respektoni privatësinë e Michail dhe familjes së tij. Klubi nuk do të lëshojë deklarata të tjera këtë mbrëmje, por do të japë përditësime në kohën e duhur.”
West Ham United can confirm that Michail Antonio is in a stable condition following a road traffic accident this afternoon in the Essex area.
Michail is conscious and communicating and is currently under close supervision at a central London hospital.
At this difficult time, we…
— West Ham United (@WestHam) December 7, 2024
Antonio, një ikonë e West Ham
I lindur në vitin 1990, Michail Antonio është një lojtar simbol për Hammers, te të cilët është transferuar në vitin 2015. Ai ka shënuar 83 gola në 323 ndeshje dhe është golashënuesi më i mirë në historinë e West Ham në Premier League. Ky nuk është incidenti i tij i parë automobilistik: në dhjetor të vitit 2019, Antonio u përfshi në një aksident me makinën e tij Lamborghini.
West Ham striker Michail Antonio ‘conscious and communicating’ after horror crash#TelegraphFootball | #WHUFC pic.twitter.com/gBlHnLpLzR
— Telegraph Football (@TeleFootball) December 7, 2024
The post West Ham, Michail Antonio përplas makinën. Në spital me helikopter: “Po komunikon” appeared first on Lapsi.al.
