Lexoje këtu nëse e ke me ngut!
Komisioni për Ekonominë dhe Financat miratoi këtë të martë me votat e mazhorancës nismën ligjore për faljen e gjobave.
Kjo nismë parashikon faljen e penaliteteve të vendosura gjatë 10 viteve të fundit, jo vetëm në zonat rurale, por edhe në qytete.
Më konkretisht bëhet fjalë për shfuqizimin e të gjitha masave administrative nga Inspektoriati Shtetëror Shëndetësor në të gjithë territorin e Republikës së Shqipërisë, inspektoriatet Vendore të Mbrojtjes së Territorit, Inspektorati Qëndror i Mbrojtjes së Territorit, Autoriteti Kombëtar i Ushqimit, si dhe Policia Bashkiake e Policia e Shtetit.
Në komision u propozua edhe falja e gjobave për banesat individuale në qytet. Tashmë kjo nismë ligjore do të duhet të marrë edhe aprovimin në Parlament, për t’u vënë në zbatim.
Opozita nga ana e saj e kundërshtoi këtë nismë të propozuar nga deputeti socialist Erion Braçe, me argumentin se bëhet me qëllim ndikimin në zgjedhjet e majit të vitit të ardhshëm. Ata e quajtën këtë nismë si një ‘karamele’ elektorale.
Në Parim opozita nuk ishte kundër faljes së gjobave, por sipas tyre, momenti në të cilin kjo gjë po vihet në zbatim, është i papërshtatshëm.
The post Mazhoranca miraton faljen e gjobave. Opozita: ‘Karamele’ elektorale appeared first on GIJOTINA.
